Accéder au contenu principal

Vizito de nederlanda radio-observejo

Mi laboras kiel sciencisto en la universitato de teĥnologio de Delft (Nederlando). Mi estas en la fakultato de Aerospaca inĝenierado kaj pli precize en la grupo de spaca esplorado. Ni laboras pri orbitoj de satelitoj, gravitaj kampoj de planedoj, teĥnologio por spaco kaj ankaŭ planedosciencoj.
La lasta semajno, ni havis nian grupan ekskurso : eblas la grupon kuniĝi kaj amuziĝi iomete.

Dank‘ al unu el niaj grupanoj, ni povis viziti la nederlandan centron por radioastroscienco, ASTRON. Ni vizitis la oficejon en Dwingeloo, kiu estas ankaŭ la loko kie la mezuroj de multaj radioteleskopoj ĉirkaŭ la mondo estas kolektitaj kaj analizitaj por krei la bildojn aŭ eltiri la fizikajn ecojn de la observataj objektoj.

La datumoj alvenas al la centro plej ofte per diskaparatoj senditaj el la observejoj, aŭ rekte per rapidega interreta konekto. Antaŭ la alveno de diskaparatoj, la datumoj estis skribitaj sur grandegaj magnetaj bendoj kiuj estis malpli rapidaj kaj kiuj povis porti malpli da datumoj.

Tamen la malnovaj maŝinoj ankoraŭ estas tie, kaj la vidaĵo de tiuj novaj kaj malnovaj teĥnikoj sidante kune, 40 jaroj apartaj estas interesa.


Maldekstre : bendlegiloj ; dekstre : serviloj kaj maŝinoj kun diskaparatoj.



Tie troviĝas ankaŭ radioteleskopo de 25 metroj kiu estis uzata dum multaj jaroj per profesiaj astrosciencistoj, sed kiu nun estas uzata per neprofesiuloj kiuj renovigis la teleksopon. Unu el tiu grupo direktis la teleskopon al pulsostelo kiun ni povis aŭdi, regule pulsante. Kompreneble, oni ne aŭdas radiajn ondojn, sed oni provas ŝanĝi la pulsojn je sonoj kun komputilo.

25 m teleskopo de Dwingeloo


Ni sekve iris al la Westerbork-a observejo kie troviĝas 14 antenoj kiuj povas studis la universon (inter aliaj) je la 21-cm ondolongo. Tiu ondolongo estas ege grava ĉar ĝi ebligas la detekton de la hidrogeno. Ĉar hidrogeno estas la plej abunda elemento en la universo, oni tiel povas mapi ĝian strukturon.


Kelkaj el la antenoj en Westerbork.

La antenoj estis konstruitaj sur loko kie troviĝis internigejo dum la dua mondmilito. El tiu loko estis kaptitaj judoj, ciganoj kaj aliaj viktimoj de la nazioj antaŭ ol ili estis senditaj al koncentrejoj en Germanio aŭ Pollando. Pli ol 100 000 homoj pasis tra tiu internigejo antaŭ ilia morto.

Estas iusence konsola pensi ke tiu loko iĝis loko de paca scienco. Eĉ pli, ĉar pro la bezono de radio-silenta zono (por eviti misinteragojn inter teraj kaj kosmaj ondoj) la tuta parko iĝis ege kvieta kaj des pli taŭga por remoro.

Commentaires

Posts les plus consultés de ce blog

Riĉa komenco de la nova jaro pour spaca esplorado

La jaro 2019 apenaŭ komencis, sed ĝi jam plenas je interesaj spacaj novaĵoj !

Lanĉita en 2006 la sondilo New Horizons preterflugis la nanan planedon Plutono en 2015 kaj sendis altvalorajn fotojn kaj sciencajn rezultojn. Post sia sukcesa vizito de Plutono, la sondilo estis direktita al alia objekto, for preter Plutono. La nova celo, 2014 MU69, troviĝas en la Zono de Kujper kiu estas preter Neptuno, ekde 30 ĝis 55 astronomiaj unuoj (1 AU = 149 597 870 700 m). En ĝi estas multaj malgrandaj objektoj kiuj formiĝis je la komenco de la sunsistemo. Pro ilia malgrandeco kaj ilia distanco al la Suno, tiuj astroj ne ŝanĝiĝis kaj estas tiel kiel ili formiĝis 4,5 miliardoj da jaroj antaŭe.
La sondilo sukcese preterflugis MU69 la 1-a de Januaro kaj sendis unuajn bildojn de tiu astro.
MU69 aspektas kiel neĝhomo : ĝi konsistas el du malgrandaj sferoj kiuj verŝajne koliziis kun tre malgranda rapido kaj restis kunligitaj. La tuta objekto estas 31 km longa kaj rotacias ĉirkaŭ ŝia akso en 15h.
La unuaj bild…

Scienca vojaĝo en Danujo

Dum la monato de Junio 2017, mi estis en Danujo por viziti Kopenhagon.

La urbo estas tre agrabla (ĉefe por biciklistoj) kun varma etoso kaj belegaj lokoj : mi ege rekomendas ĝin. Atentu tamen ke la prezoj estas pli altaj ol tiuj en Francujo aŭ Nederlando.

Kvankam mi estis tie por turismo, mi restas sciencisto kaj mi ne povis rezisti viziti sciencajn lokojn en la urbo kaj objektojn en muzeojn. Ekzemple, kiam estas vizitebla observejo en la urbo kiun vi vizitas, mi provas iri.

En la centro de Kopenhago troviĝas malnova turo (la Ronda Turo) supre de kiu estas observejo kiu estas ankoraŭ uzata per neprofesiaj observantoj. Kelkaj metroj fore, mi hazarde trovis domon kie loĝis Ole Rømer.
Rømer (1644-1710) estis dana astronomo kiu estas fama por sia studado de la rapido de la lumo kaj ties mezuro.






Rømer ankaŭ laboris en la Pariza observejo kaj elpensis "planedilon" (maŝino por vidi kaj kalkuli la poziciojn de la planedoj ĉirkaŭ la Suno, oni kelkfoje diras ankaŭ planetario) kiu…

En Aŭstrio por scienca kongreso

La Eŭropa Geosciencoj Unio (EGU) okazigas ĉiu jaro sian ĝeneralan kunvenon en Vieno, Aŭstrio.

La EGU interesiĝas pri la sciencoj de la Tero (akvoscienco, geologio, atmosfero-scienco, klimatoscienco, vulkanoscienco, ktp.) sed ankaŭ pri planedo kaj sunsistemo sciencoj (tio inkludas planedoj, iliaj lunoj, asteroidoj, kaj la interagoj inter la Tero kaj la Suno). La unio estas dividita en sekcioj: estas sekcio pri planedoscienco (PS), Sun-Tero interagoj (ST), atmosferoscienco (AS), ktp.


La ĝenerala kunveno estas oportuno por sciencistoj prezenti sian laboron kaj eki kunlaboradojn. Sciencistoj povas prezenti dum 12-minutoj prelego aŭ dum afiŝsesio. Estas debato pri kiu sorto de prezento estas la plej taŭga. Mi dirus ke la prelegoj estas utilaj se vi volas koniĝi de aliaj sciencistoj, sed afiŝsesioj pli taŭgas se vi volas havi pli longan diskuton pri via laboro.


Mia persona sperto pri afiŝsesio estas bonega : mia nuna posteno, mi havis dank'al diskuto kun sciencistino (mia nuna ĉefino) d…