Accéder au contenu principal

Riĉa komenco de la nova jaro pour spaca esplorado

La jaro 2019 apenaŭ komencis, sed ĝi jam plenas je interesaj spacaj novaĵoj !

Lanĉita en 2006 la sondilo New Horizons preterflugis la nanan planedon Plutono en 2015 kaj sendis altvalorajn fotojn kaj sciencajn rezultojn. Post sia sukcesa vizito de Plutono, la sondilo estis direktita al alia objekto, for preter Plutono. La nova celo, 2014 MU69, troviĝas en la Zono de Kujper kiu estas preter Neptuno, ekde 30 ĝis 55 astronomiaj unuoj (1 AU = 149 597 870 700 m). En ĝi estas multaj malgrandaj objektoj kiuj formiĝis je la komenco de la sunsistemo. Pro ilia malgrandeco kaj ilia distanco al la Suno, tiuj astroj ne ŝanĝiĝis kaj estas tiel kiel ili formiĝis 4,5 miliardoj da jaroj antaŭe.
La sondilo sukcese preterflugis MU69 la 1-a de Januaro kaj sendis unuajn bildojn de tiu astro.
 
Unua kolora foto de 2014 MU69, fotita per New Horizons je la 1-a de Januaro 2019 (Fonto: NASA)
 
MU69 aspektas kiel neĝhomo : ĝi konsistas el du malgrandaj sferoj kiuj verŝajne koliziis kun tre malgranda rapido kaj restis kunligitaj. La tuta objekto estas 31 km longa kaj rotacias ĉirkaŭ ŝia akso en 15h.
La unuaj bildoj montras ke ĝi havas ruĝan koloron, devenanta de la transformado de la glacioj per la suna radiado. Pliaj informoj pri la formiĝo kaj kunmeto de tiu astro sendube helpos sciencistojn kompreni kiel planedoj formiĝas.
Kvankam la preterflugo estis tre rapida, pro la granda distanco inter ni kaj la astro, pli ol unu jaro estos necesa por « elŝuti » ĉiujn datumojn.

Preskaŭ samtempe, la sondilo Osiris-Rex eniris orbiton ĉirkaŭ la asteroido Bennu. La orbitilo devos studi la asteroidon kaj finfine preni ekzempleron el la surfaco kaj reporti ĝin al la Tero por analizo. Same kiel MU69, asteroidoj kiel Bennu ne ŝanĝiĝis dum miliardoj da jaroj, kaj tial estas kiel fosilioj de la praa sunsistemo.
 
La asteroido Bennu, fotita per la sondilo Osiris-REx (fonto: NASA)
 

Finfine, merkrede la 2-a de januaro, la ĉina roboto Chang'e 4 sukcese atingis la surfacon de la Luno. Tio jam estas grava sukceso por la spaca programo de Ĉinio, sed tiu misio estas la unua surgrundiĝo iam sur la kaŝita flanko de la Luno ! Same kiel por Chang'e 3, la misio konsistas el surgrundiĝilo kaj veturilo kiu esploros la ĉirkaŭaĵon.
La kaŝita flanko de la Luno estas malsama al la videbla flanko: ĝi havas pli da krateroj kaj malpli da maroj (malhelaj areoj kiuj konsistas el fluoj de bazalto), kaj studi ĝin povas helpi sciencistojn pli bone kompreni nian najbaron.
 
Foto de la veturilo Yutu 2 sur la surfaco de la Luno. La surgrundiĝilo videblas malsupre en la bildo. (Fonto: CNSA)


En la spaco kaj sur la Tero, ĝuu feliĉan jaron 2019 !

Commentaires

Posts les plus consultés de ce blog

Scienca vojaĝo en Danujo

Dum la monato de Junio 2017, mi estis en Danujo por viziti Kopenhagon.

La urbo estas tre agrabla (ĉefe por biciklistoj) kun varma etoso kaj belegaj lokoj : mi ege rekomendas ĝin. Atentu tamen ke la prezoj estas pli altaj ol tiuj en Francujo aŭ Nederlando.

Kvankam mi estis tie por turismo, mi restas sciencisto kaj mi ne povis rezisti viziti sciencajn lokojn en la urbo kaj objektojn en muzeojn. Ekzemple, kiam estas vizitebla observejo en la urbo kiun vi vizitas, mi provas iri.

En la centro de Kopenhago troviĝas malnova turo (la Ronda Turo) supre de kiu estas observejo kiu estas ankoraŭ uzata per neprofesiaj observantoj. Kelkaj metroj fore, mi hazarde trovis domon kie loĝis Ole Rømer.
Rømer (1644-1710) estis dana astronomo kiu estas fama por sia studado de la rapido de la lumo kaj ties mezuro.






Rømer ankaŭ laboris en la Pariza observejo kaj elpensis "planedilon" (maŝino por vidi kaj kalkuli la poziciojn de la planedoj ĉirkaŭ la Suno, oni kelkfoje diras ankaŭ planetario) kiu…

Sukcesa lanĉo de la misio BepiColombo al Merkuro

Bildo de la raketo Ariane 5 dum la lanĉo de BepiColombo (Fonto: ESA)
La 20-a de Oktobro 2018, la raketo Ariane 5 sukcese lanĉis la mision BepiColombo al la planedo Merkuro.

BepiColombo estas kunlaborado inter la Eŭropa Spaca Agentejo (ESA) kaj la Japana Spaca Agentejo (JAXA). La misio konsistas fakte en tri partoj : la unua sondilo estas la eŭropa Mercury Planetary Orbiter (Mekura planeda orbitilo), ankaŭ nomata « Bepi ». La dua estas la japana Mercury Magnetospheric Orbiter (Merkura Magnetosfera Orbitilo, MMO) ankaŭ nomata « Mio ». Ambaŭ vojaĝos kun la helpo de la MTM (Mercury Transfer Module, Merkura Transporta Modulo) kiu helpos peli la sondilojn ĝis Merkuro.

La misio estas tre ambicia ĉar ĝi estas la unua misio al Merkuro de la eŭropa kaj japana spacaj agentejoj kaj ankaŭ ĉar ĝi estas la unua planeda misio kiu uzas du sondilojn samtempe. La du sondiloj laboros sur malsamaj orbitoj por studi la maldensan atmosferon de la planedo, ĝian magnetosferon kaj ĝian surfacon.

« Merkuro estas la…